اعترافات كاميليا وشروق....
..بتعملي ايه..كاميليا
..بكتب..شروق
..هو انا قلت انك بترسمي مانا شايفاكي بتكتبي بس بتكتبي ايه بقا..كاميليا
..وانتي مالك..شروق
..انا مالي ازاي..انا شايفاك جايبة فسرتي..كاميليا
..وبعدين..شروق
..ولا قبلين افتكرتك بتالفي عني حكاية تاني..كاميليا
..لا يا شيخة تقصدي ايه برخامتك دي..شروق
..لا ولا حاجة..كاميليا
شروق..عندك النت اتصرمحي فيه لوحدك بس بعيد عني ..
..كاميليا..يا سلام
..شروق..يا عبد السلام خلاص احنا دافنينو سوا وما عادشي للكلام لزمة خلصت الحدوثة
..كاميليا..انا كمان حبيتو
..لا والنبي انتي كمان ايه يختي..معلش هو اللي عندو مكفيه ربنا ما يبليكي بحد تحبيه ولا يعبركيش..شروق
..يعني انتي كل الحكايات والاختراعات والحوارات دي طلعت على ما فيش..كاميليا
..معلش..شروق
..معلش في عينك هودخول الحمام زي خروجو..كاميليا
شروق..بنت انتي احترمي نفسك ما تنسيش اننا اللي عملتك فما تخلنيش ازعل وبتكة ماوس امحيكي من عالوجود..
..ياختي..رعبتيني..يعني حتلغي حساب الايميل اللي باسمي..كاميليا
..شروق..على فكرة انت كلامك بقا لوكل خالص ايوة حلغي حسابك وكمان حبعث لو اعتراف ع الفيس بوك انك مجرد شخصية اخترعتها عشان اكلمو واطمن عليه..على فكرة هو عارف انك مش حقيقية بس بيلعب..
..ياحنينا تطمني عليه..كاميليا
..لمي نفسك..شروق
... انا بحذرك انتي مش حرة في اللي بتعمليه دون. كاميليا
..دون..اسم الله عليك انتي صدقتي انك اسكندرانية بجد..شروق
..كاميليا..اسكندرانية غصبن عن حباب عنيكي وما حدش يقول العكس انتي ايه عايزة تكسري بخطري وخلاص..
..والله ماهوش بايدي انا شايفة ان الحكاية على كدة وخلصت بح..شروق
..خلصت ايامك يا بعيدة..كاميليا..تخلص ازاي انا كاميليا يا بت الاسكندرانية اللي مامتها ماتت وابوها اتجوزخالتها واللي جوزتها غصبن عنها وكمان طلقتها غصبن عنها.. مش حسلم بالساهل
..يادي النيلة عليكي وربنا ده كان كلوكذب انتي صدقتي انا اللي حقي اتنيل ازعل مش انتي..شروق
..اتفلقي وبعدين ده كان كذب عندك انا حقيقة.. كاميليا..عندي ايميل وعندي حساب عالفيس بوك وممكن اخليكي تعمليلي حسابات ثانية والعب زي ما انا عايزة..
..انا هفهمك..شروق
..مش عايزةافهم..كاميليا
..لا من فضلك اسمعيني..شروق..انا كنت مخنوقة وما كنتش قادرة اصدق ان كل كلامو كان حكاوي نت وتلفون ففكرت انو فازمة ومش قادر يقول ويمكن يكون محتاج مساعدة او ممكن كان محتاج زقة صغيرة عشان يعبرني..
..مساعدة وزق..هااااو..كاميليا
..احترمي نفسك ده مهما كان اسموواحد وحبناه..شروق
..شيلاه يا حبيبة كملي ياختي..كاميليا
..حاضر ياام لسانين..المهم انا كنت عايزة اعرف اخبارو فجيتي انتي بالصدفة..شروق
..وبعدين..كاميليا
..ولا قبلين..شروق..بيني وبينك والله انا كنت حاسة انو شاكك فيكي من الاول يعني زي ما تقولي عرف كل حاجة من الاول وفقسنا بس عمل عبيط ..
..طب قلتيلو اننا كنت متجوزة ليه..كاميليا
..عشان بس ابعد الشكوك اللي كانت بتحوم حوالين شخصيتك ..شروق
..عمرك سمعت المثل اللي بيقول ان حبل الكذب قصير..كاميليا
..شروق..انا ما كنتش بكذب انا كنت بطبق كلامو هو في مرة وانا في العربية قالي انتي خلاص يعني ممكن تفرطي فيا بسهولة فكنت عايزةاوريه اننا متشبتا بيه للغاية ولسا وعمري ما حقفل الباب فوشو ولا حتاخر عليه..
..تصدقي انتي قطعتي قلبي ..كاميليا
..شروق..بلاش تريقة والنبي انا عارفة اننا غبية وانو لمجرد انناافضل مستنياه ثلاث سنين ده اكبر غلط بس اعمل ايه..والله مش عارفة اقلك ايه ..
..ما تقوليش حاجةانتي وقعتي ولا حدش سما عليكي..كاميليا
..انا غلطانة اننا بحكيلك..شروق
..بقلك ممكن طلب..كاميليا
.. اتفضلي..شروق
..ما دام عايزة تمحيني باستيكة من الحكاية دين ممكن تكتبي قصة عني..كاميليا
..ممكن اوي..شروق
..والنهاية تكون سعيدة والبت اياها اللي خادتومنك تغور..كاميليا
..شروق..انكتمي وسبيها فحالها وبعدين مين عارف الحقيقة فين انا اللي كنت الاول ولا هي نظلم الناس كدة عمال على بطال حرام..
..كاميليا..على فكرة ما حدش قالك انك عبيطة او انك مش من الزمن ده
.. قالها كثير..شروق
..مين ده..كاميليا
..شروق..اللي بالي بالك
..مش عارفة اقلك ايه ربنا يصبرك اويردهولك..كاميليا
..ايوةادعلنا يا ستنا ..طيب روحي دلوقتي وانا حكتبلك اللي انتي عايزاه..شروق
..صحيح..كاميليا
..شروق..ايوة صحيح وبعدين انا ما فاضليش غير الكتابة دي وما تنسيش ان روحو موجودة فكل حرف..بخطو ده حتى هو اللي شجعني كان بيقولي طلعي كل اللي بتحسي بيه واكتبيه زي ما هوحيطلع حلو..
..يا سلام على دون جوان احنا حنحن ولا ايه..كاميليا
..تاني بتتريقي..شروق
..لا والله انا عايزة بس افهم انتي من الاخر كدة كرهتيه ولا....كاميليا
..شروقلا ابدا وعمري ما حكرهو وهو عارف كدة كويس اوي اللي يحب يا كامليتي ما يعرفشي يكره والا ما يبقاش اسمو حب..اتعلمي يا بنتي..
..اتاريه متبتر عشان عارف انو ممكن يرجع في اي وقت ويلاقي مكانو يا خبتك القوية ..كاميليا
..بنت انتي انكشحي من قدامي دلوقتي انا مش طايقة نفسي..شروق
..حاضر بلاش تزعلي ليطقلك عرق..كاميليا
..ايوة ياختي ده اللي انتي فالحة فيه..شروق
..طب هاتي بق من النسكافي وانا اروح وعد..كاميليا
..غوري بقلك..شروق
..من غير زق يلا فتك بعافية..كاميليا
..يعافيكي ياختي..شروق
..كاميليا..هههههههههههه
ليست هناك تعليقات:
إرسال تعليق