زيارة عالماشي...
كاميليا..هاي
شروق..اهلا يا كاميليتي..
كاميليا..ماتقوليليش الكلمة دي انا اسمي كامليا محمد علي..
شروق..عارفة ما انا اللي عاملالك شهادة ميلاد..
كاميليا..طب قصري وبلاش تقوليلي كامليتي دي انا بكرهها..
شروق..قصري..ياذي النيلة انتي صعتي اخر حاجة..
كاميليا..معلش انا اسفة دي فلتة لسان ..
شروق..طيب يا ستي ما علينا ..عايزة ايه سعدتك دلوقتي..
كاميليا..ولا حاجة لقيتك قاعدة وحدك وبتكتبي قلت اجي انورك..
شروق..يا جامد يا واثق من نفسك اوي تنوريني ماشي يا ست كاميليا..
كاميليا..ما تتريقيش..
شروق..حاضر بس حضرتك كمان حافضي على ملافظك معايا..
كاميليا..حاضر اسفة يا شروق..
شروق..طيب ممكن تسيبيني اشتغل دلوقتي..نوريني ونقطيني بسكاتك..
كاميليا..حاضر اهو..
شروق..شكرا..
كاميليا..العفو يا ستي انا الود ودي ماسكتشي خالص ده انا بحبك..
شؤوق..يا ستي الله يكرمك بس اسكتي دلوقتي..
كاميليا..حاضر..
شروق..يحضرلك الخير كلو..
كاميليا..مرسي..
شروق..يادي النيلة..
كاميليا..مالك ثاني..
شروق..ولا حاجة ماعادشي فيا نفس اكتب..
كاميليا..الف بركة..
شروق ..يا سلام..
كاميليا..ايوة ما انتي لو كتبتي حتكتبي حاجة تزعلني وبس..
شروق..يا صلاة النبي اشمعنا ياختي مصتقصداكي انا..
كاميليا..هو كذا انتي على طول كاسرة نفسي فكتاباتك..
شروق..لا يا بنتي انا غلبانة..
كاميليا..ايوة انا عارفانة..
شروق..اسمها عارفة مش عارفانة..
كاميليا..اه عارفة انتي غلبانة وعبيطة ...شوية يعني مش كثير..
شروق..طيب اسكتي..
كاميليا..حاضر..
شروق..انا عشان خطرك كتبتلك شوية قصايد حلوة..
كاميليا..ليه بردو عشان الباشا مش كدة..
شروق..اكيد ده نن عيني..
كاميليا..وانا كمان..
شروق..وانت كمان يا ستي هوبردويستاهل..
كاميليا..يستاهل طيب ومالو ادام انتي اللي بتقولي كدة..
شروق..بقلك ايه انا حقوم..
كاميليا..على فين انا لسا ما قعدتش معاكي..
شروق ..كل الرغي ده وما قعدتيش معايا..
كاميليا..بليز..
شروق..والله وبقينا نقول بليز..
كاميليا..التعلم حق كل مواطن في بلدنا..
شروق..يا حلاوة انتي بتدرسي من ورايا ولا ايه..
كاميليا..اه ومالو حرام..
شروق..لا بالعكس يا جميل انا فرحانة ليكي والله انا خايفة ليجي يوم الاقيكي قاعدة معاه في العربية..
كاميليا..ده يوم المنى بس تعرفي انا ماعادشي عاجبني..
شروق..اخص عليكي..
كاميليا..معلش سبتهولك..
شروق..ست انتي في حاجة مخبياها عليا..
كاميليا..لا بس انا عايزة حاجة ثانية..
شروق..ايه هي..
كامليا..لما اعرف حقلك..
شروق..طيب بالسلامة دلوقتي..
كاميليا..سلام..
حبة غيرة والسلام
كاميليا..هاي
شروق ..هاي وستين حتة ليكي عين تكلميني من ثاني
كاميليا..ليه بقا ما كنا حلوين
شروق..بقلك ايه انا مش طايقة نفسي ابعدي عني احسن لك
كاميليا..وربنا ما عملت حاجة
شروق..يا مسكينة مش بتقولي انك غلبتيني
كاميليا ..فايه يا حسرة
شروق..مش انا بعث مليون مرة اهني بعيد الميلاد وما نابنيش ولا حتى سمايل منووانتي يكتبلك ويجاوبك على بروفايلك
كاميليا..دي غيرة بقا
شروق..انا اغير منك ليه بقا تكونيش فاكرة نفسك حقيقي كاميليا
كاميليا..والله انا خايفة عليكي من دور انفصام الشخصية ده
شروق..يعني انا مجنونة
كاميليا..هو اللي عندو انفصام يبقا مجنون انتي كنتي بتهببي ايه في الكلية
شروق..ملكيش دعوة بام الكلية
كاميليا..اعصابك يا بنتي والله ما اقصد هو بيلاعبك اكيد
شروق..ما انا عارفة انو بتاع لعب وخلاص
كاميليا..خلاص كبري دماغك مش في غيرو واجدع منو
شروق ..اه والله بس
كاميليا..ماتبسبسيش وحياة امك
شروق..يعني ايه انساه
كاميليا.. انسيه يا بنتي وعيشي حياتك
شروق..ايوة بس
كاميليا..اسمعي الكلام
شروق..ايوةعشان يخلالك الجو
كاميليا..وربنا عبيطة انا ايلوجن يا هبلة حيخلالي الجو ازاي
شروق..ايلوجن والله اللي انا فيه هو اللي ايلوجن
كاميليا..طيب هدي نفسك
شروق..بس هو جاوب كل الناس الا انا
كاميليا..انسي وروحي للي شاريكي و الله ده احلى وارق وكل حاجة
شروق..وانتي عرفتي منين
كاميليا..انا ما وراييش حاجة يعني شفت الكومنت اللي بيبعتلك ولا صورو تجنن..
شروق..انتي شفتي الصور كمان
كاميليا..بيعقد زي ما بيقولو اتكلي انتي على الله وانسي الهباب ده
شروق..اتلمي ما سمحلكيش
كاميليا..ياختي اتنيلي هو كان سائل فيكي حتى
شروق..مش شغلك
كاميليا..يعني ايه
شروق..يعني مش شغلك
كاميليا..عايزة بس اعرف
شروق..شطبنا خلاص
كاميليا..مش حتكلم بس اعرف انتي ناوية على ايه
شروق..بعدين
كاميليا..الثاني مستني جواب منك كلمة ورد غطاها وبعدين ممكن يمل ويروح منك هوالثاني
شروق..مايروح ولا يتنيل
كاميليا..وانتي تقعدي في ارابيزي زي البيت الوقف
شروق..هوانتي امي ما تلمي نفسك والا والله حعرف شغلي معاكي
كاميليا..يا بنتي كدة من اخرو انتي ما تقدريش تتخلي عني
شروق..ليه بقا يا دلعدي
كاميليا..عشان انا وانتي واحد بتحبيه اه بس هومش سائل فيكي والثاني ده بيحبك وانتي لا بس هو ظريف ولقطة وحياة ربنا بلاش تغلبي نفسك انسي وعيشي حياتك
شروق..طيب امشي
كاميليا ..بقلك ايه البت اياها مش ساءلة فيه
شروق..اشمعنا
كاميليا..ما فيش كومنت منها على بروفايلو ولا هابي بيرت داي ولا حاجة
شروق.. اش دراكي ما زمانها بايتة في حضنو ليلة عيد ميلادو
كاميليا ..والله مش سائلة فيه
شروق..يخرب بيتها نفسي ابوس ايديها واخليها تحس بيه
كاميليا..يا وكستي فيكي هوده ابنك انتي غبية بشكل عمري ما شفت عبط زي عبطك
شروق..والله انتي مش فاهمةحاجة
كاميليا..فاهماكي بس نصيحة اجري على قرافة واي قبر مفتوح نطي فيه على طول.. انت مش من العصر ده ولا ده مكانك انتي حمارة يا بنتي..
شروق..اطلعي برا
كاميليا..اسمعي بس
شروق..بقلك اطلعي برا..برا
كاميليا..برا برا حتطرديني من الجنة يعني
شروق..روحي
كاميليا..فين
شروق..فدهية بس ابعدي عني السعادي
كاميليا..بشويش ليطقلك عرق وتقولي انا
شروق..يلا
كاميليا..يلا يلا يلا
شروق..حتغنيلي اطلعي برا
كاميليا ..حاضراهو سلام
شروق..سلامك معاكي
ليست هناك تعليقات:
إرسال تعليق