دردشة...
شروق..كاميليا انتي هنا
كاميليا..اهلا يا معلم ازيك عاش من شافك
شروق ..الحمد لله اخبارك
كاميليا..ساقعة
شروق..هههه معلش اجيبلك بطانية
كاميليا..يا صباح التريقة
شروق..احنا بالليل مش الصبح
كاميليا..فكك دي طريقة للكلام عندنا
شروق..عندكو انتي حتجننيني
كاميليا..الف بعد الشرعليكي ده كلام عالماشي زي اموت انا واعيد السنة وكدة
شروق..وكدة يالهوي انا كل شوية اجي الاقيكي متبحترة عالاخر
كاميليا..طب لميني ياختي
شروق..بنت انتي انا حقوم من قدامك لو مش حتتعدلي
كاميليا ..اهو وحياة ربنا مش حخلبص في الكلام تاني بس انتي اقعدي يا دي النور يا دي النورتشربي ايه يا دلعدي
شروق..لاه انتي مش حتجبيها البروانا بصراحة مجنونة اللي عمالة اكمل وحدة اسمها كاميليا وبتاعت صياعة
كاميليا..الله الله الله انتي اسمي ما بقاش عاجبك يا دلعدي طب غيرهولي كدة وانا مش حقولك ايتها حاجة
شروق..يا بنتي انتي حتخيليني بكلامك ده انا كل شوية اجي الاقيكي حاجة تانية خالص
كاميليا..بزمتك مش كلما تيجي تلاقيني احلى واحسن
شروق..ماقلناش حاجة
كاميليا..طيب يا شوشو انتي كنت عايزة تقولي ايه لما جيتي
شروق..انا والله مانا عارفة عايزة اقول ايه
كاميليا..طب افتكري كدة ولا انا حسالك وانتي حتفتكري لوحدك
شروق..ههههههه
كاميليا..بتضحكي ليه حضريتك
شروق..اسمها حضرتك
كاميليا..ما انا عارفة بس هو كان بيكتبهالك كذا
شروق..والله انتي فايقة وعايزة تقلبي المواجع
كاميليا..مواجع ايه مش انتي على طول بتقولي انو حاجة جميلة
شروق..ماقلناش حاجة بس ارجوكي ده بلافايدة يعني انا فكرك لما افتكرو لو اساسا كنت ناسياه فكرك حيحصل حاجة
كاميليا..مش انتي يا برينسيسة درستي حاجة اسمها دسيكريت للطلبة وقلتيلهم انو في حاجة اسمها قوة الجذب ما تشغليها يا ساحرة
شروق..الحاجات دي ممكن تحصل مع كل الناس الا معايالا
كاميليا..ليه بقا
شروق..معرفشي وماتسالنيش
كاميليا..عموما انتي لازم تشوفيلك صرفة فهبلك ده
شروق..لم تعابينك يا بت
كاميليا.. ايوة خدوهم بالصوت ليغلبوكو..خرصنا اهو..بس قوليلي انتي كنتي سايباني طول المدة دي وغاطسة فين
شروق..ابدا الدنيا مدربكة معايا
كاميليا..اشتغلتي في كاباريه
شروق..يخرب بيت مخك انا وربنا حقفل الزفت ده واسيبها مظلمة عليكي
كاميليا..وحياة الغالي ما تعمليها انا بهزر عشان تفكيها انتي شفت وشك في المراية انتي مبوزة ومش على بعضك
شروق..شيفاني رامية هدومي
كاميليا..في السقعة دي يا سلام
شروق..اتريقي
كاميليا..خلاص قولي كنت فين وبالتفصيل الممل
شروق..ولا حاجة اللي انتي عارفاه بس الجمعة كنت في اجتماع سيدات المجتمع طلعت نص الليل وما معيش عربية والحتة اللي فيها الاوتيل ماقلكيش هاي كلاس اخر حاجة اه بس ولا تاكس ياه دي كانت ليلة
كاميليا..وعملت ايه
شروق..لقيت تاكس بطلوع الروح بس الحمد لله
كاميليا..يا رب بس تكون الليلة بفايدة
شروق..فايدة ايه دي الستات الزعلانة من الرجالة بجد انا مش معاهم فكل حاجة
كاميليا..ازاي بس ياهانم
شروق..اسمعي وانتي ساكتة دي وجهة نظري
كاميليا..حاضر يا باشا انما بجد منين انتي بتروحي تجتمعي ويا النساوين دي وكمان مش موافقة على اللي بيعملوه
شروق..اقلك يا فهيمة..انتي عارفة اننا تقريبا بحب البيت ومش بحب اطلع برة يعني مش بحب شغل برا البيت مع اني اصبحت مغروسة فيه لشوشتي وبدل الشغل الواحد كلو على يدك بقم اشغال كثيرة بس بردو انا لسا بقول ان الشغل للرجالة والنساوين لازم تقعد في بيوتها تراعي ولادها وجوازها
كاميليا..هههه
شروق..اسكتي
كاميليا..معلش انا بس بهزرمعاكي المهم كملي
شروق..لا مش حكمل
كاميليا..وحياتي
شروق..طيب سيبينا من اللي انا بفكرفيه انا فكرتي ان النسوان طلبو يشتغلو بس لما لقيو الرجالة كسلت
كاميليا..ايوة وهي الرجالة العرب كسلت من شوية ماهما بيعملو قص لزق من اوروبا والدول اللي عاملة حالها متقدمة
شروق..اسما الله عليكي ايوة انتي بقيتي بتفهمي في البوليتيكا كمان
كاميليا..ايوة يا ختي مش هما بيسمو الدول العبيطة دي دول متقدمة
شروق..ايوة حاجة زي كدة حقلك يا ستي نرجع لحكايتنا ..هوالباشا هتلرعارفاه..
كاميليا..الراجل ابو نص شنب ده
شروق..ايوة ده.. الراجل ده لما شعلل الدنيا وقامت الحرب مات خلالها رجالة كثيربل كثيراوي وعشان كدة النساوين كانت مضطرة انها تشتغل عشان تحل محل الرجالة اللي ضاعت دي وكدة ابتدت الثورة ضد المجتمعات الاوروبية عشان تحرر المراة ومن هنا العرب اخذو الحكاية وقال ايه.. لازم يمشو زي الناس دي عشان يبقو زيهم متحضريييييين
كاميليا..تحضرايه يا بنتي
شروق..ما علينا الحكاية دخلت في الغويص معلش
كاميليا..كل حاجة العرب بيقولو عليها معلش
شروق..بردو معلش ههههه بقلك ايه انا تعبت انا حقوم اتفرج مع ماما في حتة جميلة عالاولى
كاميليا..انتي تتفرجي وانا انام
شروق..نامي يا ختي تصبحي على خير
كاميليا..حتكمليلي الحكاية امتا
شروق..حكاية يعني انا بهلس طيب يا ست هانم تصبحي على خير
كاميليا..وانتي من اهل الخير تشاو..
شروق..هههههههه
ليست هناك تعليقات:
إرسال تعليق