كلام في السر...
شروق..كاميليا
كاميليا ..اهلا ازيك يا استاذة
شروق..استاذة ايه بس التدريس في الجمعة كلو مشاكل وبجد حياتي مابقالهاش طعم
كاميليا..ازاي بس غيرك حيموت ويعمل اللي انتي بتعمليه ده
شروق..يا ستي والله ادهولو والقلب داعيلو
كاميليا..في ايه يا ست شروق مالك لاوية بوزك شبرين ومش على بعضك
شروق..ما فيش
كاميليا..على خلتو..
شروق..خالتو يا ساتر انتي بتتكلمي زيو ليه
كاميليا..اه قلتيلي...شروق احمد كلمك
شروق..لا
كاميليا..يبقا قررتي تروحيلو
شروق..اتلمي اروح لحد فاكرني ميتة
كاميليا..الف بعد الشرعليكي
شروق..شوفي البت انا ابتديت اخاف منك انتي بتصيعي فشوارع مصرولا ايه
كاميليا..يا ريت ياختي ده حتى جهاز الكمبيوترده اللي انتي حاشراني فيه بقا ديق من كترما بتخططي وتكتبي
شروق..اسفة بس انتي عارفة ده انا كمان محشورة فعالم حاسة انومش عالمي
كاميليا..يا لهوي انتي بتقعدي على مكتب رجالة بشنبات بيحلمويقعدو عليه وبتدرسي لطلبة والكل بطاطي وبيسمعلك وبيحبك والحاجات اللي انتي بتديهالهم زي ما تكوني بتديهم بنبوني وبيتبعوكي حتى برا المدرجات والكل بينده باسمك
شروق..والله احلى حاجة تعرفي مش لاقية تعريف للي بيحصل لي اكني مهزوزة على سحابة ناعمة جدا في الكلية لاقية حب الناس كلها..في الجمعية حبايبي الصغيرين بيتجننو اول ما بيشوفو خلقتي والكل عايز يوريني عمل ايه الايام اللي ما شفتهوش فيها..واللي عايز يسمعني اخر نشيد حفضتولهو الميس وكل حتة بروح لها بحس ان ترابها بيحبني الا قلب احمد اللي مقدرتش احصل عليه تفتكري ده عذاب ربنا ليا
كاميليا..اعوذ بالله لا ربنا كريم وعمرو ما يعذب خلايقو كدة
شروق..امال ليه مش قادرة اخليه ليا ليه
كاميليا..الله الله الله ايه ده انتي حنيتي ولا ايه
شروق..اتلمي وبعدين انا عمري ما شلتو من دماغي ولا من قلبي كنت بس بكابر
كاميليا..يا سلام
شروق..والله انا اللي مجنونة بكلمك
كاميليا..في مجنونة تحب بالشكل ده
شروق..يعني كان نفع بايه
كاميليا..وربنا حينفع
شروق..ههههههههههههه
كاميليا..هههه انما قليلي هنا ما فيش اخبار عنو
شروق..اسكتي ماتفكرينيش انا كنت حتجنن وانا بسمع انو بيمشي بعكاز
كاميليا...ايييييييه يا لهوي
شروق..زي ما سمعتي احمد تعبان وبيمشي بعكاكيز
كاميليا..طيب وبيعمل ازاي ويا الشغل والحاجات دي
شروق..ولا حاجة البت......ولا بلاش مش حقلك اسمها عشان انتي فتانة فاكرة المكوجي اللي قال انو ماشي ويا وحدة ومعاه على طول
كاميليا..ايوة
شروق..هي دي
كاميليا..وحتعملي ايه
شروق..اعمل ايه ..يا رب يا رب يبقى طيب وكويس نفسي يبقا كويس ويرتاح فعيشتو
كاميليا..يا سلام
شروق..يا سلام طيب اشكرك
كاميليا..لا والله انا بس حالك صعبان عليا
شروق..معلش ولا يهمك بقلك ايه انا حقوم اخذ اسبرينة وانام
كاميليا..يعني كلامك معايا عملك صداع
شروق..لا والله بس انا مش قادرة اتخيل انو بيتالم الفكرة بس قهراني وكان نفسي اكون معاه او حتى اسمع صوتو ويطمني بنفسو
كاميليا..ربنا يطمنك عليه
شروق..امييييين يا رب حدعيلو وحقرالو قران زي ما بعمل ديما
كاميليا..نفسي اساعدك بس انتي عارفة اننا بس اسم عالنت
شروق..بس يا هبلة انتي حبيبتي وبعدين انا كنت حكلم مين عن الموضوع ده لو ما كلمتكيش انتي
كاميليا..وانا اسعد مخلوقة معلوماتية واحلاها طبعا فاكرة كلام احمد عني وعن مناخيري وعن بينوكيو
شروق..ههههه ياااااااااه احلى حاجة كل حاجة فيه حلوة غضبو فرحو تريقتو حتى اما بيحزن بيبقا جميل جدا قصرو احمد ده بجد ملاك وانا ما قدرتش المس ارض الملايكة وكارهة اننا اخش دنية شياطين اعمل ايه بس قوليلي......
كاميليا..والنعمة ما تعيطي فاكرة كان بيقولك ما تعيطيش دموعك بتحرقني
شروق ..الف بعد الشر عليه خلاص مش حعيط والله غصبن عني نفسي اكلمو..اخدو فحضني زي ما يكون ابني
كاميليا..بس بقا انتي ابتديتي تلخبطي الكلام فبعضو ابنك ايه
شروق..اي حاجة المهم قريبة منو حتى لو بقيت جزمتو
كاميليا..يا لهوي ما الجزمة اما تبلى صاحبها بيرميها ايه الخيبة دي
شروق..يا ستي أي حاجة المهم معاه
كاميليا..يخرب بيت الحب وسنينو
شروق..اتلمي حب ايه انتي كمان ده شيء اكبر من الحب يا بنتي
كاميليا..طيب يا ست البنات خليكي ورا عواطفك بس وحياتو لتقومي تريحي جثتك انتي تعبانة
شروق..بقيتي بتحسي يا حلوة
كاميليا..اه اللي يعرفك يحس وان ما حسش ما يبقاش ادمي
شروق..يا صلاة النبي طيب يا ستي انا حقوم قبل ما تعكي في الكلام تصبحي على خير
كاميليا..وانت من اهل الخير ربنا معاكي واللي بالي بالك يبقا لك
شروق..امين يا شقية
كاميليا..هههههههههه
شروق..سلام
كاميليا..سلام
ليست هناك تعليقات:
إرسال تعليق