كلام نص الليل...
شروق..كاميليا..كاميليا
كاميليا..عايزة ايه مش تسيبيني انام شوية
شروق..اسفة بس انا مخنوقة
كاميليا..من ايه يا حبيبتي
شروق..مش عارفة بقالي كثيرما بنامشي بنام يدوب ساعة واقوم
كاميليا..وانا بقالي كثير نايمة
شروق..ليه بس
كاميليا..وانتي ليه مش بتنامي
شروق..معرفشي بس انا عندي حالة غيرطبيعية
كاميليا..ازاي يا ست البنات
شروق ..معرفشي عندي دوخة وبحس بثقل فجسمي
كاميليا..يعني حصل
شروق.. اللي هوايه
كاميليا ..مبروك حتبقي ماما
شروق..يا غبوتك ازاي يا فالحة بالمراسلة
كاميليا..وانا اش دراني مش انا كنت فاكرة انك غايبة بقالك زمن عشان اتجوزتي الجوالجديد
شروق..يا ست العبط كلو مين الجوالجديد ده
كاميليا..يعني عايزة تفهميني ان الحكاية مافهاش واحد كدة
شروق..ولا واحد ولا وحدة كبري دماغك
كاميليا..طيب يا ستي بتقوميني فنص الليل من احلاها نومة ليه
شروق..مش عارفة انتي مين انتي عشان اقومك واكلمك حتى
كاميليا..اللهم طولك يا روح
شروق..ايه
كاميليا..والله انا خايفة عليكي من ابو جنان ده انتي حتبقي ثلاثية الشخصية مش عارفة بس حاسة ان السرايا الصفرة حتستقبل وافد جديد
شروق..اتلمي
كاميليا..طيب يا عاقلة قوليلي في ايه
شروق..ولا حاجة كنت بس عايزة حد اكلمو فما لقتشي احسن منك
كاميليا..يا دي الهنا ازاي بس رضيت عنا يا جميل
شروق..اخرسي بلاش صياعة
كاميليا..انا صايعة الله يسامحك
شروق..تعرفي انتي فاكرة مسرحية ابليس وابليسة اللي كتبتها فرمضان
كاميليا..سلام قولا من رب رحيم ليه السيرة الوحشة دي ده مخلوق بييجي عالسيرة
شروق..ما تخافيش هنا في قران كريم وهومالوش حاجة عندنا
كاميليا..طيب مال المسرحية دي
شروق..تعرفي نفسي ابليس يمثل دورو عزة ابوعوف راجل حليوة وممثل جامد وممكن يطلع من الشخصية حاجات مقنعة
كاميليا..يادي النيلة عزة ابوعوف مرة وحدة انتي اتهبلتي قومي نامي احسن
شروق..استني بس والله فكرة جامدة بس تكمل الحكاية حتحلو
كاميليا..هههه ومين ابليسة اظن انك حتتقدمي للدور
شروق..اتنيلي انا عمري ما حبيت امثل انا اكتب واخرج بس وكمان هو ما كانش بيحب اننا امثل و انا ما احبش اكسر كلمتو..
كاميليا ..هو طيب يا ختي بلاش السيرة دي من فضلك
شروق..سوري اسفة
كاميليا ..طيب مين اللي حتلعب دور مراة اخينا الناري ده
شروق..حزري فزري
كاميليا..ممكن اقولك الجواب بعد ما اصحى سيبيني انام
شروق..نامت عليكي .اعوذ بالله انتي يا بنتي اتحمليني شوية اروح لمين يعني
كاميليا..روحي للنت وافتحي الماسنجرحتلاقي بدل الواحد اربعة وكلهم عايزين يكلموكي
شروق..مافيش نت بقالي مدة ما بخشش نت انا تعبانة بجد
كاميليا..طب روحي دكتور
شروق..مش عايزة سيرة دكاترة ممكن
كاميليا ..حاضريا باشا قوليلي مين عايزاها تبقا ابليسة
شروق..هالة صدقي
كاميليا..يا حلاوة تصدقي ان زوقك يجنن البت دي بتمثل حلو جدا وكمان هي صاروخ
شروق..شفتي بقا..
كاميليا..طب محمود والناس الثانية
شروق..في ممثلين كويسين جدا بس المهم ان الحكاية تكمل وتطلع للوجود
كاميليا..انا دلوقتي صدقت انك بجد عيانة
شروق..ليه بقا
كاميليا..عشان في حاجة اسمها لازم تكوني فمصر اولا عشان تشوفي الباشا عزة ومدام هالة
شروق..يعني ده بعيد
كاميليا..ايوة ده حلم
شروق..اشمعنا
كاميليا..عشان حضرتك اتهببتي ومليتي كل لحظة فايامك الجمعيات واقسام رياض الاطفال و اقسام ادماج الاطفال ومحاربة الامية وشغلك في الكلية وفي مركز الطفولة المشردة ودراستك والاجتماعات في الاوتيلات وبرامج الراديو والمحاضرات اللي بتديها في ايام تحسيس النسوان بالعمل السياسي وكتاباتك واهلك وحبك اللي مش قادرة تعمليلو حاجة انتي يا بنتي ضعتي ورحتي في البيباي
شروق..ياه كل ده
كاميليا..وحاجات كثيرة اوي وما تنسيش الاستشارات اللي بتعمليها للناس اللي مش عارفة تدرس ازاي او مش عارفة تتغلب على شغلها يا بنتي انتي خلال سنتين عملتي اللي ممكن ثلاثين ست تقوم بيه انا خايفة عليكي من الضياع انتي فين بس من كل دول
شروق..يعني ايه
كاميليا..ما يعنيش حاجة كل ده حلو بس لازم ترتاحي انتي كمان بصي انتي على طول بتنصحي الدكتورة صحبتك بالراحة وتيجي تعملي عكس اللي تقوليه
شروق..غريبة
كاميليا..اللي هوايه
شروق..انتي
كاميليا..اشمعنا
شروق..طول عمري كنت فاكرة اننا عبيطة واخترعت كاميليا من غبوتي وقهري بس النهرضة تاكدت اننا كنت على حق في قراري ده انا فعلا فخورة بيكي
كاميليا..الله يكرمك ممكن تلفونك
شروق..ليه يا حبيبتي
كاميليا..رنة بس على مصر الجديدة
شروق.. اتلمي
كاميليا..انتي حتقلبي عليا ولا ايه من شوية كنت بتقولي اننا ما فيش زيي اننا كويسة
شروق..العبي فحتة ثانية يلا اسيبك تحلمي بس وحياتي عندك بلاش مصر الجديدة المحروسة كبيرة روحي استلقطي رزقك من أي حتة
كاميليا..جنينة الحيوانات مثلا
شروق..ايوة جبلاية القرود بالضبط
كاميليا..ماشي يا زعيمة ما انتي مستقوية عليا اكمنك قلبك بيدق بجدوانا حايلا حتة اسم
شروق..ماتقوليش كدة انتي حبيبتي
كاميليا..طيب يا ست الكل اسيبك وحياة الغالي لتقومي تنامي وترتاحي احنا مالناش غيرك
شروق..حاضر حنام والله تصبحي على خير يا كاميليا
كاميليا..سلام
شروق..سلام.
ليست هناك تعليقات:
إرسال تعليق