اعترافات كاميليا وشروق....
كاميليا..بتعملي ايه..
شروق..بكتب..
كاميليا..هو انا قلت انك بترسمي مانا شايفاكي بتكتبي بس بتكتبي ايه بقا..
شروق..وانتي مالك..
كاميليا..انا مالي ازاي..انا شايفاك جايبة فسرتي..
شروق..وبعدين..
كاميليا..ولا قبلين افتكرتك بتالفي عني حكاية تاني..
شروق..لا يا شيخة تقصدي ايه برخامتك دي..
كاميليا..لا ولا حاجة..
شروق..ممكن تسبيني دلوقتي..
كاميليا..مش قبل ماعرف انتي بتكتبي عني ايه..
شروق..ولا حاجة انا بحاول اختم وجودك بس..
كاميليا..يامصيبتي ..يعني انتي ....
شروق..ايوة هوده.. مابقالكيش لزمة لماخذة يعني..
كاميليا..اه يامجرمة..
شروق..ايوة خشي في الدور ماانتي درستي اكثر مني الحاجات دي..معلش يا حبيبتي لازم.. عندك النت اتصرمحي فيه لوحدك بس بعيد عني ..
كاميليا..يا سلام
شروق..يا عبد السلام خلاص احنا دافنينو سوا وما عادشي للكلام لزمة خلصت الحدوثة
كاميليا..انا كمان حبيتو
شروق..لا والنبي انتي كمان ايه يختي..معلش هو اللي عندو مكفيه ربنا ما يبليكي بحد تحبيه ولا يعبركيش..
كاميليا..يعني انتي كل الحكايات والاختراعات والحوارات دي طلعت على ما فيش..
شروق..معلش..
كاميليا..معلش في عينك هودخول الحمام زي خروجو..
شروق..بنت انتي احترمي نفسك ما تنسيش اننا اللي عملتك فما تخلنيش ازعل وبتكة ماوس امحيكي من ع الوجود..
كاميليا..رعبتيني..يعني حتلغي حساب الايميل اللي باسمي..
شروق..ايوة وكمان حبعث لو اعتراف ع الفيس بوك انك مجرد شخصية اخترعتها عشان اكلمو واطمن عليه..على فكرة هو عارف انك مش حقيقية بس بيلعب..
كاميليا..ياحنينا تطمني عليه..
شروق ..لمي نفسك..
كاميليا..انا بحذرك انتي مش حرة في اللي بتعمليه دون..
شروق..دون..اسم الله عليك انتي صدقتي انك اسكندرانية بجد..
كاميليا..اسكندرانية غصبن عن حباب عنيكي وما حدش يقول العكس انتي ايه عايزة تكسري بخطري وخلاص..
شروق..والله ماهوش بايدي انا شايفةان الحكاية على كدة وخلصت بح..
كاميليا..خلصت ايامك يا بعيدة..تخلص ازاي انا كاميليا يا بت الاسكندرانية اللي مامتها ماتت وابوها اتجوزخالتها واللي جوزتها غصبن عنها وكمان طلقتها غصبن عنها.. مش حسلم بالساهل
شروق..يادي النيلة عليكي وربنا ده كان كلوكذب انتي صدقتي انا اللي حقي اتنيل ازعل مش انتي..
كاميليا..اتفلقي وبعدين ده كان كذب عندك انا حقيقة.. عندي ايميل وعندي حساب عالفيس بوك وممكن اخليكي تعمليلي حسابات ثانية والعب زي ما انا عايزة..
شروق ..انا هفهمك..
كاميليا..مش عايزةافهم..
شروق..لا من فضلك اسمعيني..انا كنت مخنوقةوما كنتش قادرة اصدق ان كل كلامو كان حكاوي نت وتلفون ففكرت انو فازمةومش قادر يقول ويمكن يكون محتاج مساعدة او ممكن كان محتاج زقة صغيرة عشان يعبرني..
كاميليا..مساعدة وزق..هااااو..
شروق ..احترمي نفسك ده مهما كان اسموواحد وحبناه..
كاميليا ..شيلاه يا حبيبة كملي ياختي..
شروق..حاضر ياام لسانين..المهم انا كنت عايزة اعرف اخبارو فجيتي انتي بالصدفة..
كاميليا..وبعدين..
شروق..ولا قبلين..بيني وبينك والله انا كنت حاسة انو شاكك فيكي من الاول يعني زي ما تقولي عرف كل حاجة من الاول وفقسنا بس عمل عبيط ..
كاميليا..طب قلتيلو اننا كنت متجوزة ليه..
شروق..عشان بس ابعد الشكوك اللي كانت بتحوم حوالين شخصيتك ..
كاميليا..عمرك سمعت المثل اللي بيقول ان حبل الكذب قصير..
شروق..انا ما كنتش بكذب انا كنت بطبق كلامو هو في مرة وانا في العربية قالي انتي خلاص يعني ممكن تفرطي فيا بسهولة فكنت عايزةاوريه اننا متشبتا بيه للغاية ولسا وعمري ما حقفل الباب فوشو ولا حتاخر عليه..
كاميليا..تصدقي انتي قطعتي قلبي ..
شروق..بلاش تريقة والنبي انا عارفة اننا غبية وانو لمجرد انناافضل مستنياه ثلاث سنين ده اكبر غلط بس اعمل ايه..والله مش عارفةاقلك ايه ..
كاميليا..ما تقوليش حاجةانتي وقعتي ولا حدش سما عليكي..
شروق..انا غلطانة اننا بحكيلك..
كاميليا..بقلك ممكن طلب..
شروق.. اتفضلي..
كاميليا..ما دام عايزة تمحيني باستيكة من الحكاية دي ممكن تكتبي قصة عني..
شروق..ممكن اوي..
كاميليا..والنهاية تكون سعيدةوالبت اياها اللي خادتومنك تغور..
شروق..انكتمي وسبيها فحالها وبعدين مين عارف الحقيقة فين انا اللي كنت الاول ولا هي نظلم الناس كدة عمال على بطال حرام..
كاميليا..على فكرة ما حدش قالك انك عبيطة او انك مش من الزمن ده
شروق.. قالها كثير..
كاميليا ..مين ده..
شروق..اللي بالي بالك
كاميليا..مش عارفة اقلك ايه ربنا يصبرك اويردهولك..
شروق..ايوةادعلنا يا ستنا ..طيب روحي دلوقتي وانا حكتبلك اللي انتي عايزاه..
كاميليا..صحيح..
شروق..ايوة صحيح وبعدين انا ما فاضليش غير الكتابة دي وما تنسيش ان روحو موجودة فكل حرف..بخطو ده حتى هو اللي شجعني كان بيقولي طلعي كل اللي بتحسي بيه واكتبيه زي ما هوحيطلع حلو..
كاميليا..يا سلام على دون جوان احنا حنحن ولا ايه..
شروق..تاني بتتريقي..
كاميليا..لا والله انا عايزةبس افهم انتي من الاخر كدة كرهتيه ولا....
شروق..لا ابدا وعمري ما حكرهو وهو عارف كدة كويس اوي اللي يحب يا كامليتي ما يعرفشي يكره والا ما يبقاش اسمو حب..اتعلمي يا بنتي..
كاميليا..اتاريه متبتر عشان عارف انو ممكن يرجع في اي وقت ويلاقي مكانو يا خبتك القوية ..
شروق..بنت انتي انكشحي من قدامي دلوقتي انا مش طايقة نفسي..
كاميليا..حاضر بلاش تزعلي ليطقلك عرق..
شروق..ايوة ياختي ده اللي انتي فالحة فيه..
كاميليا..طب هاتي بق من النسكافي وانا اروح وعد..
شروق..غوري بقلك..
كاميليا..من غير زق يلا فتك بعافية..
شروق..يعافيكي ياختي..
كاميليا..هههههههههههه
ليست هناك تعليقات:
إرسال تعليق